አትቸኩልም አንተ
Atechekulem Ante
ትራክ 11 · 5:34 · አማርኛ
ቁጥር 1 · Verse 1
ጥቂት ጊዜ አለፈ ከተናገርካቸው
አብርሃምና ሳራን ተስፋ ፈተናቸው
ከዚህ የተነሳ እርምጃን ወሰዱ
አንተንም ቀደሙ እስማኤልን ወለዱ
ግን አንተ ጌታችን ስለተስፋህ ብለህ
ይስሐቅን አምጥተህ ቃልህን ፈጸምህ (፪x)
አዝማች · Chorus
አትቸኩልም አንተ ደግሞም አትዘገይም
ቀስ እያልክ ብትሄድ ማንም አይቀድምህም
ነገርን በሙሉ በጊዜው ውብ አድርገህ
በድንቅ በተዓምራት ታበጃጀዋለህ
ክብርህን ትገልጻልህ
ቁጥር 2 · Verse 2
ወንድሞቹ ሲሰግዱ ዮሴፍ ህልምን አየ
ግን የኖረው ኑሮ ከዚህ የተለየ
ቃልህ እስኪመጣለት እርሱም ተፈተነ
በእርኩሰት በኃጢአት ላይ ሁሌ እየጨከነ
የሚጐበኝበት የእግዚአብሔር ቀን መጣ
ከእዛ ጉስቁልናው ከመከራ ወጣ (፪x)
አዝማች · Chorus
አትቸኩልም አንተ ደግሞም አትዘገይም
ቀስ እያልክ ብትሄድ ማንም አይቀድምህም
ነገርን በሙሉ በጊዜው ውብ አድርገህ
በድንቅ በተዓምራት ታበጃጀዋለህ
ክብርህን ትገልጻልህ
ቁጥር 3 · Verse 3
ሃና መካኗ ሴት ብዙ አለቀሰች
በወገኖች ሳይቀር እየተነቀፈች
እርሷም እንደ ሰዎች ዘመኗ ደረሰ
ልቧ በአንተ ጸና ታሪኳም ታደሰ
አቤት የእግዚአብሔር ስራው ያስደንቃል
የምስኪኑን እንባ በጊዜው ያደርቃል (፪x)
አዝማች · Chorus
አትቸኩልም አንተ ደግሞም አትዘገይም
ቀስ እያልክ ብትሄድ ማንም አይቀድምህም
ነገርን በሙሉ በጊዜው ውብ አድርገህ
በድንቅ በተዓምራት ታበጃጀዋለህ
ክብርህን ትገልጻልህ
ቁጥር 4 · Verse 4
በጣም የምትወደው አልዓዛር ታሟል
የሚል ድምጽ ከሰማ አራት ቀን ሆኖታል
የሞተውን ሊያስነሳ እንባቸውን ሊያብስ
በራሱ ጊዜ መጣ ጌታችን ኢየሱስ
ዛሬም ብንጠብቀው በመጠበቂያችን
እግዚአብሔር ቅርብ ነው ክብሩን ሊገልጽልን (፪x)
አዝማች · Chorus
አትቸኩልም አንተ ደግሞም አትዘገይም
ቀስ እያልክ ብትሄድ ማንም አይቀድምህም
ነገርን በሙሉ በጊዜው ውብ አድርገህ
በድንቅ በተዓምራት ታበጃጀዋለህ
ክብርህን ትገልጻልህ
ምንጭ፦ ግጥሙ በ WikiMezmur ማኅበረሰብ የተገለበጠ ነው። የግጥሙ መብት የደራሲው ነው — የመብት ጥያቄ