ደግ አረገ

ቁጥር 1 · Verse 1

ኢየሱስን አምኖ የሕይወቱ ጌታ ንጉሱ ያረገ

(ደግ አረገ ኤኤ ፤ ደግ አረገ)

ጌታን በማመኑ እንደ ሃይማኖት ከጂ አርጐ የተቆጠረ

(ደግ አረገ ኤሂ ፤ ደግ አረገ)

ቀድሞ ከነበሩት ከባልንጀሮቹ ተለይቶ ሄደ

(ደግ አረገ ኤኤ ፤ ደግ አረገ)

ላመነበት ነገር አንገቱን ለካራ ሊሰጥ የጨከነ

(ደግ አረገ ኤሂ ፤ ደግ አረገ)

ቁጥር 2 · Verse 2

(ደግ አረገ ነው ፤ ደግ አረገ ኤይ)

ሌሎች እንዲድኑ የምስራቹን ቃል ይዞ የተጓዘ

(ደግ አረገ ኤኤ ፤ ደግ አረገ)

በተሰጠው መክሊት ፀጋ እየሰራ ብዙ ያተረፈ

(ደግ አረገ ኤሂ ፤ ደግ አረገ)

በስሜቱ ሳይሆን በእግዚአብሔር መንፈስ ውሳኔ ወሰነ

(ደግ አረገ ኤኤ ፤ ደግ አረገ)

በዘለዓለም ሕይወት ለሚገኘው አክሊል ሲልም ተሯሯጠ

(ደግ አረገ ኤሂ ፤ ደግ አረገ)

ቁጥር 3 · Verse 3

(ደግ አረገ ነው ፤ ደግ አረገ ኤሂ)

ብዙ ምርጫ እያለው አምላኬ መረጠው ይሻለኛል ያለ

(ደግ አረገ ኤኤ ፤ ደግ አረገ)

ደስታው በእግዚአብሔር ኃይል እንጂ በዚች ዓለም ፈጽሞ ያልሆነ

(ደግ አረገ ኤሂ ፤ ደግ አረገ)

ቃል እየተሞላ በከበበው ችግር ላይ እየመዘዘ

(ደግ አረገ ኤኤ ፤ ደግ አረገ)

ድል በድል የሚሄድ ድካሙን አራግፎ ቆርጦ የተጓዘ

(ደግ አረገ ኤሂ ፤ ደግ አረገ)

ቁጥር 4 · Verse 4

(ደግ አረገ ነው ፤ ደግ አረገ ኤሂ)

ሰው ሲያስቀይመው ምህረትና ይቅርታ ለሁሉ ያረገ

(ደግ አረገ ኤኤ ፤ ደግ አረገ)

በቀል የእግዚአብሔር ነው ብሎ ሁሉን ትቶ ለፍቅር የኖረ

(ደግ አረገ ኤሂ ፤ ደግ አረገ)

ህሊናው የጸዳ በሰዎች ጉዳይ ውስጥ ገብቶ ያልፈተፈተ

(ደግ አረገ ኤኤ ፤ ደግ አረገ)

ሁሉን ሰው የሚያውቀው በክርስቶስ ብቻ በሌላ ያልሆነ

(ደግ አረገ ኤሂ ፤ ደግ አረገ)

ቁጥር 5 · Verse 5

(ደግ አረገ ነው ፤ ደግ አረገ ኤሂ)

ምሥጋና ለመስጠት መስዕዋት ለማቅረብ ወደኋላ ያላለ

(ደግ አረገ ኤኤ ፤ ደግ አረገ)

ከማንም ከምንም አምላኩን ለማክበር እራሱን የሰጠ

(ደግ አረገ ኤሂ ፤ ደግ አረገ)

ውለታ የማይረሳ ድንቅ ተዓምራቱን ለሁሉ የነገረ

(ደግ አረገ ኤኤ ፤ ደግ አረገ)

ሁልጊዜ ምሥጋና ከአፉ የማይጠፋ ዕልልታን ያወቀ

(ደግ አረገ ኤሂ ፤ ደግ አረገ)

ቁጥር 6 · Verse 6

(ደግ አረገ ነው ፤ ደግ አረገ ኤሂ)