ድሮ ገና
Dero Gena
2010 · ትራክ 6 · 5:37 · አማርኛ
ቁጥር 1 · Verse 1
ድሮ ገና ከማህፀን ሳለሁ በእናቴ ሆድ
በሥም ጠርተህ የለየኸኝ ክፉን ደጉን ሳላውቅ
የአንተ ክብር መገለጫ እንድሆን በቤትህ
ከነኃጢአቴ የመረጥከኝ ለአንተ እንድኖርልህ
በሰጠኸኝ መንገድ ስሄድ ባሰብክልኝ ስፍራ
እንዳልገኝ ሳሳዝንህ ቸል ብዬ ሳልሰማህ
ዛሬ በቀን ለምንሃለሁ ኃይልህ እንዲረዳኝ
በመክሊቴ ብዙ አትርፌ አንተን ደስ እንዳሰኝ
አዝማች · Chorus
ኃይልህ ይርዳኝ ለምናለው
እንድትረዳኝም አምናለሁ
መልካም ነገር ያደረኩኝ መስሎኝ
ሳሳዝንህ እንዳልገኝ
ቁጥር 2 · Verse 2
ስመላለስ በዚህች ምድር ሳገለግል አንተን
የማልኖረውን አውርቼ የተጣልኩ እንዳልሆን
እንዳታልፈኝ እፈራለሁ በምትመጣበት ቀን
ሕይወቴም አንተን ያክብርህ አፌ ብቻ ሳይሆን
ክብርህን አሳየኝ የአንተን ማንነት
ቅዱሱን መንፈስህን ሚመራኝ ወደ እውነት
እኔ ደካማና ኃጢአተኛ ሰው ነኝ
ሃይልህ ግን ከረዳኝ ከእግሬ እቆማለሁ
አዝማች · Chorus
ኃይልህ ይርዳኝ ለምናለው
እንድትረዳኝም አምናለሁ
መልካም ነገር ያደረኩኝ መስሎኝ
ሳሳዝንህ እንዳልገኝ
ቁጥር 3 · Verse 3
ቀድመህ ውጣ በሕይወቴ
ልከተልህ ቸሩ አባቴ
አንተ ቀድመኀኝ ካልወጣህ
እኔ ብሮጥ ምን ላመጣ
ለምንሃለሁ ጌታ
ለምንሃለሁ ኢየሱስ
ኃይልህ ይርዳኝ ጌታ
ምንጭ፦ ግጥሙ በ WikiMezmur ማኅበረሰብ የተገለበጠ ነው። የግጥሙ መብት የደራሲው ነው — የመብት ጥያቄ