ለውጠኝ

ቁጥር 1 · Verse 1

ማደግ እሻለሁ አንተን መምሰል

ግን አቅቶኛል ክብሬን መጣል

የዚህ ዓለም ነገር ልቤን አድክሞት

ለአንተ እንዴት ልኖር ለሌላው ሳልሞት

የዚህ ዓለም ነገር ልቤን አዝሎት

ለአንተ እንዴት ልኖር ለሌላው ሳልሞት

ቁጥር 2 · Verse 2

ለውጠኝ (፫x) ለውጠኝ (፫x)

ቁጥር 3 · Verse 3

ቃል ኪዳኔን ያጠፍኩኝ

ደካማ ሰው እኔ ነኝ

እንዲያው አያለሁ ልብ ብዬ

እጮሃለሁ እንዲህ ብዬ (፪x)

እጄን ያዘኝና አስጠጋኝ

ወደራስህ ሳበኝ (፪x)

ከካቻምና የአምና ከአምናው የዘንድሮ

ሕይወቴ ካልታየ ስምህ በእኔ ከብሮ

መኖርስ ምንድንነው ዘመን ማስቆጠሩ

እንዲያው መመላለስ ፍሬን ሳያፈሩ

ቁጥር 4 · Verse 4

የእምነት አባቶቼ አንተን አስከብረው

የክብርን ሞት አዩ በእምነታቸው ጸንተው

ፀጋህን አልብሰኝ አልኑር ተሸንፌ

ከሚጠፋው ዓለም ጸጸትን አትርፌ