ረግቻለው

ቁጥር 1 · Verse 1

ለሰላሜ ሚሆነኝን አውቂያለሁ አግኝቻለሁ

ለእፎይታዬ ሚበጀኝን አምኛለሁ ተቀብያለሁ

የእግዚአብሄር ልጅ በርቶልኛል በመንፈሱ ረግቻለሁ

ላልወሰድ በምድር ተረት ለዘላለም ታትሜያለሁ

ቁጥር 2 · Verse 2

ከአለም ዋኖች በተሰወረ

ከጠቢባን ዘንድ ባልነበረ

የሞኝነት በሚመስል ታምር

እኔ አርፍያለሁ ባንተ ማመን ሚስጥር

ቁጥር 3 · Verse 3

የማይነጥፍ ነው ሰላሜ የማያርፍ ነው እረፍቴ

ማደርያህ ልሆንህ ፈቅደህ ገብተሃልና ከህይወቴ

የማይደበዝዝ ፍቅርህ ነው ሽንገላም ወረትም በሌለው

ካንተ ያልተቀበልኩት ምን አለኝ ቀረ ምለው??

ቁጥር 4 · Verse 4

አንተ ሞልተኽኛል ህይወት በዝቶልኛል

ረክቻለሁ ልጅህ ተብያለሁ

ባንተ ደስ ይለኛል ሰላም ረግቶልኛል

ረክቻለሁ አመሰግናለሁ

ቁጥር 5 · Verse 5

በሰማያዊው በረከት በራስህ ተባርክያለሁ

እዚህ እንዳልናወጥ ከእቅፍህ ገብቻለሁ

አልሸበርም በአለም በሚሰማው ክፉ ወሬ

ባለኸኝ ረግቼ አለሁ በያዝከኝ እስከዛሬ

ቁጥር 6 · Verse 6

አንተን ይዞ ያልረካ ማነው

አንተን ይዞ ያልሰከነ ማነው

አንተን ይዞ የባከነ ማነው

አንተን ይዞ የባዘነ ማነው

ቁጥር 7 · Verse 7

እኔ ረክቻለሁ

ሰላም አግኝቻለሁ

ረግቻለሁ አመሰግናለሁ

ሰላም በዝቶልኛል

ቁጥር 8 · Verse 8

ጸጋህ ሸፍኖኛል

አይቼሃለሁ አመሰግናለሁ

ቁጥር 9 · Verse 9

ለበዛልኝ ሰላም ለበዛልኝ ፍቅርህ

ለበዛልኝ ህይወት ለበዛ ምህረትህ

ቁጥር 10 · Verse 10

ይብዛልህ ክብር ይብዛልህ ሞገስ

ይብዛልህ ክብር ይብዛልህ ሞገስ

ይብዛልህ ክብር ይብዛልህ ሞገስ

ይብዛልህ ክብር እየሱስ ይብዛልህ ሞገስ