እውነትና እውነት
Ewnetena Ewnet
2020 · ትራክ 8 · 5:18 · አማርኛ
ቁጥር 1 · Verse 1
በሰው ክፋት ማዕበል ምድር ስትናወጥ
ፈጣሪ እንኳ በሰራው ፍጡር እስኪፀፀት
የአንድ ኖህ ጎዳና አካሄድ ቢቀና
የሰው ሕይወት አልቀጠለም ወይ እንደገና X2
ቁጥር 2 · Verse 2
በውሸት ከተማ እውነት እንግዳ ነው
መስሎ ፀጉረ ልውጥ የሚያውቀው የሌለው
እውነትን በተቀማ ትውልድ
ማን ይሆን የእውነት ዘመድ
ሁሉ ገሸሽ ሲል ለመስቀል ሲደራ
ማን አብሮ ይዘልቃል ከባይተዋር ጋራ
እንደ ውሃና ዘይት አይደሉም ወይ እውነት እና ሃሰት
ምን አንዱ ቢበዛ መቼም አያብሩ ዘላለም በርቀት
በጊዜ ፈተና ወደቅህ ሚለው የለም
በእሳት ንዳድ አልፎ አመድ አያውቀውም
በልዩነት መንገድ በሰላም ይተማል
አጃቢ ሳያሻው ዘላለም ይኖራል X2
ቁጥር 3 · Verse 3
የዝምታው ድምፀት ከመብረቅ ጽኑ ነው
አለት ከሚያነቃ ከሚሰነጥቀው
እርሱ ተረጋግቶ አገር ይረበሻል
የለህም የሚለው እንቅልፍ አጥቶ ያድራል
ከብዙ ግርግር አባይ ከዋለበት
እውነት ከሚመስል አሳች ከበዛበት
ዘንድሮም ጉዳዩ ከእውነት ጋር ብቻ
እውነት እና እውነት ከራሱ ጋር ብቻ
አዝማች · Chorus
በውሸት ከተማ እውነት እንግዳ ነው
መስሎ ፀጉረ ልውጥ የሚያውቀው የሌለው
እውነትን በተቀማ ትውልድ
ማን ይሆን የእውነት ዘመድ
ሁሉ ገሸሽ ሲል ለመስቀል ሲደራ
ማን አብሮ ይዘልቃል ከባይተዋር ጋራ
ቁጥር 4 · Verse 4
የታመነ ጓዳው ዮሴፍ ትንሹ ዛፍ
ባልዋለበት ቢውል በእመቤቲቱ አፍ
ከእመቤትስ በላይ ሹምስ ማንን ያምናል
በሃጥዕ ዘመን ዘንድ ጻድቅ ወህኒ ይወርዳል
ምንም ቢያልፍ ተሳቆ በሚያልፍ ባለ ጊዜ
በማያልፍ ተጥሷል ደርሶ የእውነት ጊዜ
በአደባባይ ቢያፍር እውነትን አነግሶ
ክብሩም በአደባባይ ይሄው ተመልሶ
ሃብት ነው ጌጥ እውነት ምን ባይሆን ለጊዜው
ከርሞም ቢመነዘግ ከፋይ ለከፈለው
አዝማች · Chorus
እውነትን በተቀማ ትውልድ
ማን ይሆን የእውነት ዘመድ
ብርሃን ቃሉን ሲሰጥ ጨለማን ሲደክመው
የእውነት ቤት ይደምቃል
ለእግዚአብሔር ያደረው
አዝማች · Chorus
ጽኑ ጽኑ ጽኑ ጽኑ ጽኑ ጽኑ X2
እውነት እግዚአብሔር ነው የማይለወጥ ጽኑ
በሰልፍ ብዛት የማይደክመው ከበረታው በላይ ብርቱ
ባህርይው ሰላም ነው አያምንም በሁከት
ራሱን ለማሳመን አይገባም ከጭንቀት
ህሊና ወዳጁ ጊዜ መፍቻ ቁልፍ
ተረጋግቶ ይኖራል ተከፍቶ በስንቱ
ጽኑ ጽኑ
ምንጭ፦ ግጥሙ በ WikiMezmur ማኅበረሰብ የተገለበጠ ነው። የግጥሙ መብት የደራሲው ነው — የመብት ጥያቄ