አልዋሽህም
Alwashehem
2007 · ትራክ 4 · 6:37 · አማርኛ
ቁጥር 1 · Verse 1
አልዋሽህም ልቤን ታያለህና
አልዋሽህም የልብ አምላክ ነህ እላለሁ
እርቦኛል በእውነት ፊትህ መፍሰስ
ላምልክህ ይርዳኝና መንፈስህ
ከስሬ ደርቼ ድሪቶዬን
ከላይ ምለብሰው የፀዳውን
ሰው እንደው የሚያየው ፊቴ ፊቴን
እከልላለሁ ገበናዬን (፪x)
አዝማች · Chorus
ግን አንተ አትዋሽም አትታለል
ዓይንህ ዘልቆ ልብን ያያል
ዓይንህ ዘልቆ ልብን ያያል (፪x)
የቀድሞውን ፍቅር አጣሁት ፈላልጌ
ኧረ እኔስ ፈራሁኝ ወዴት ነው ማደጌ
ኧረ እኔስ ፈራሁኝ ወዴት ነው ማደጌ
የእግዚአብሔርን ደጅ እንዳልጠናሁኝ
ዛሬማ ላፍታ እንኳ አቅም አጣሁ (፪x)
ቁጥር 2 · Verse 2
ናፈቀኝ የጥንቱ ክብር
ናፈቀኝ ቤቴ የነበረ
ናፈቀኝ ኦ እግዚአብሔር
ናፈቀኝ ረሃቤ ትጋቴ
ናፈቀኝ ትንሿ ጐጆዬ
ናፈቀኝ ያ ፀሎቴ
የተገለጠው ማንነቴ
ይኸው በፊትህ መድኃኒቴ
አቅም አጣሁኝ አግዘኝ
ያዘኝ ኃይልህን አልብሰኝ (፪x)
አዝማች · Chorus
ለአንተ ያለኝ ፍቅር ትኩስ የማይበርድ
በልቤ የሚኖር ሁል ጊዜ የሚነድ (፪x)
ቁጥር 3 · Verse 3
መስሎኝ እንዳልነበር በልጅነቴ ወራት
ራሴን አገኘሁት ልምድ ሆኖብኝ ቀላት
ቤቴን አዘረፍኩት ከፍቼ ለጠላት
ናፈቀኝ ለቃልህ ያለኝ ቦታ
ናፈቀኝ ያንን የእሺታ
ናፈቀኝ ኦ እርዳኝ ጌታ
ናፈቀኝ ለአንተ ያለኝ ክብር
ናፈቀኝ ሥምህ ሲነገር
ናፈቀኝ ኦ እግዚአብሔር
የተገለጠው ማንነቴ
ይኸው በፊትህ መድኃኒቴ
አቅም አጣሁኝ አግዘኝ
ያዘኝ ኃይልህን አልብሰኝ (፪x)
ቁጥር 4 · Verse 4
ይቅር ይቅር ይቅርብኝ ልመልስ
ወደ ልብህ ወደ ሀሳብህ ልድረስ
ልሸከመው የመስቀልህን ፍቅር
ተመልሼ ወደ ኋላ እንዳልቀር
አድስልኝ የቀድሞውን ዘመን
ናፍቆት ሆኖ ምኞት ሆኖ እንዳይቀር
ሰምቼ አንተን እንዳፈራበት
ለም አድርገው የልቤን መሬት (፪x)
ምንጭ፦ ግጥሙ በ WikiMezmur ማኅበረሰብ የተገለበጠ ነው። የግጥሙ መብት የደራሲው ነው — የመብት ጥያቄ