እግዚአብሔር ፍቅር ነው
Egziabhier Feqer New
2005 · ትራክ 11 · አማርኛ
ቁጥር 1 · Verse 1
ያ ሰነፍ ቢመስለው ያወቀ
ከአባቱ እቅፍ ወጥቶ ወደቀ
ሄደና እንዳሻው እንደልቡ
እስኪረዳ እንደጣለ ክብሩን
ተመልሶ መጣ በሀዘን
ብሎ እንደባሪያው እንኳ ብሆን
መመለሱን ያየም አባቱ
አቀፈው ልክ እንደበፊቱ
አዝማች · Chorus
ኧረ እግዚአብሔር ፍቅር ነው ኧረ
እግዚአብሔር ፍቅር ነው ኧረ
እያሳየ እየተገበረ (፪x)
ቁጥር 2 · Verse 2
ይቺ ሴት ኃጢአተኛ ናት
ህግ አለህ አንተም ፍረድባት
እያሉ ላመጧት ለዚያች ነፍስ
ጠበቁ ምን እንደሚመልስ
እርሱ ግን እውነቱን ተናገረ
ሁሉም ራሱን እንዲያይ አረገ
የእሷንም ፍርዷን አንስቶላት
አትድገሚው ልጄ ሂጂ አላት
አዝማች · Chorus
ኧረ እግዚአብሔር ፍቅር ነው ኧረ
እግዚአብሔር ፍቅር ነው ኧረ
እያሳየ እየተገበረ (፪x)
ቁጥር 3 · Verse 3
ሁሉ እንዲድን አንዷ እንዳትጠፋ
ቢገደው ያ መልካም እረኛ
በረት ያሉትን ይተውና
ይሄዳል እሷኑ ፍለጋ
ያሰማታል ድምጹን አውጥቶ
በእቅፉ ሊያስገባት ጓጉቶ
ነፍሱን ስለበጐቹ ያኖረው
እውነተኛ ፍቅር እርሱ ነው
አዝማች · Chorus
ኧረ እግዚአብሔር ፍቅር ነው ኧረ
እግዚአብሔር ፍቅር ነው ኧረ
እያሳየ እየተገበረ (፪x)
ምንጭ፦ ግጥሙ በ WikiMezmur ማኅበረሰብ የተገለበጠ ነው። የግጥሙ መብት የደራሲው ነው — የመብት ጥያቄ