ካህኔ
Kahenie
2004 · ትራክ 10 · 5:18 · አማርኛ
ቁጥር 1 · Verse 1
በሞት ያልተሻረ በሞት ያልተገታ
በሰማይም ቀጥሏል ክህነቱ የጌታ
ሌሎቹ እንዳይኖሩ ሞት ከልክሏቸዋል
ከነአሮን ክህነት የኢየሱስ ይበልጣል
ካህኔ እንደመልከፄዴቅ : ካህኔ ለዘላለም ሹም ነህ
ካህኔ ለእኔም ሕይወት መዳን : ካህኔ ምክንያቱ አንተ ነህ
ካህኔ በማይጠፋው ክህነት : ካህኔ በማይሽረው ሞት
ካህኔ የምትማልድልኝ : ካህኔ ቆመህ በአብ ፊት
አዝማች · Chorus
ምን እላለሁ ከምስጋና ሌላ
ምን እሰጣለሁ ከማመስገን በቀር
በማለዳ በቀትር በማታ
አምላኬ ሆይ ልበል ክበር ክበር (፪x)
ቁጥር 2 · Verse 2
ካህኔ በአብ ቀኝ ያለሀው : ካህኔ የነፍሴ ጠበቃ
ካህኔ መከራዬ እንዲቆም : ካህኔ ሀዘኔ እንዲያበቃ
ካህኔ የጥልን ግድግዳ : ካህኔ በሞት አፈረስህ
ካህኔ ለበደሌ መስዋዕት : ካህኔ ደምህን አፈሰስህ
ቁጥር 3 · Verse 3
በሞት ያልተሻረ በሞት ያልተገታ
በሰማይም ቀጥሏል ክህነቱ የጌታ
ሌሎቹ እንዳይኖሩ ሞት ከልክሏቸዋል
ከነአሮን ክህነት የኢየሱስ ይበልጣል
የካህናት አለቃ የበጎች እረኛ
የእውነተኛዋ ድንኳን : መካከለኛ
በኔ ፈንታ የሞተ የሆነልኝ ቤዛ
ነፍሴ በጣም ረክታለች ለእርሱ ስትገዛ
ቁጥር 4 · Verse 4
መድህኔ የመቀበርያዬን : መድህኔ ጉድጓድ የደፈንከው
መድህኔ የሕይወቴን ጨለማ : መድህኔ ገለል ያደረከው
መድህኔ በሞትና በእኔ : መድህኔ መካከል ገብተህ
መድህኔ ሕያው አደረከኝ : መድህኔ አንተ ተችሎህ
አዝማች · Chorus
ምን እላለሁ ከምስጋና ሌላ
ምን እሰጣለሁ ከማመስገን በቀር
በማለዳ በቀትር በማታ
አምላኬ ሆይ ልበል ክበር ክበር (፪x)
ቁጥር 5 · Verse 5
መድህኔ ዛሬስ ብርሃን ነው : መድህኔ ቀን ሆኖ ለነፍሴ
መድህኔ ባንተ ተሰበረ : መድህኔ ለቅሶና ትካዜ
መድህኔ ፍጻሜዬ እንዲያምር : መድህኔ የመጨረሻዬ
መድህኔ አንተን መጠጋቴ : መድህኔ ልክ ነው ምርጫዬ
አዝማች · Chorus
ምን እላለሁ ከምስጋና ሌላ
ምን እሰጣለሁ ከማመስገን በቀር
በማለዳ በቀትር በማታ
አምላኬ ሆይ ልበል ክበር ክበር (፪x)
ምንጭ፦ ግጥሙ በ WikiMezmur ማኅበረሰብ የተገለበጠ ነው። የግጥሙ መብት የደራሲው ነው — የመብት ጥያቄ