የሕይወቴ መመሪያ
Yehiwotie Memeriya
2004 · ትራክ 6 · 5:19 · አማርኛ
አዝማች · Chorus
ማለዳ አግኝቼው ቀን ይናፍቀኛል
ቀትር ላይ አይቼው ምሽት ይርበኛል
የሕይወቴ መመሪያ ፅኑ መሠረቴ
ትለዋለች ነፍሴ ቃልህ ቁርስ እራቴ (፪x)
ቁጥር 1 · Verse 1
ባነበብኩት ቁጥር ባሰላሰልኩት
በዝቶ ይበራልኛል የቃልህ እውነት
ያኔ ደግሞ ነፍሴ ትረሰርሳለች
የምድሩን ረስታ ወደላይ ታያለች
አሁንም አሁንም ስትሻህ ደጋግማ
ልክ እንደ ዋላዋ ቃልህን ስትጠማ
ቢገባት ነው ነፍሴ የቃልህ ውበቱ
ጠንካራውን ልቤን ማሸነፍ መርታቱ
ተማርኪያለሁ በቃልህ ውበት ተስቢያለሁ
ተማርኪያለሁ ሕይወቴን ለእርሱ ሰጥቻለሁ
ተማርኪያለሁ በቃልህ ፍቅር ተይዣለሁ
ተማርኪያለሁ ቶሎ ቶሎ ፈልገዋለሁ
እየኮረኮረ ገብቶ ወደ ሕይወቴ
ለውጦ አስቀረው የውስጥ ማንነቴን
ልቤም ተሸነፈ ተረታ በቃልህ
አምሮ ተሸላልሞ ማደሪያህ ሆነልህ
እንዳንበረከከው ግዛው ሠልጥንበት
በሁለንተናዬ አንተው ንገሥበት
ይንቆርቆር በልቤ ምክር ተግሳፅህ
ሲነጋም ሲመሽም ምን ጊዜም ልስማህ
አዝማች · Chorus
ማለዳ አግኝቼው ቀን ይናፍቀኛል
ቀትር ላይ አይቼው ምሽት ይርበኛል
የሕይወቴ መመሪያ ፅኑ መሠረቴ
ትለዋለች ነፍሴ ቃልህ ቁርስ እራቴ (፪x)
ቁጥር 2 · Verse 2
መንፈሴም ታደሰ ውስጤ በረታታ
ሲለቀቅ ወደ እኔ ቃልህ ጠዋት ማታ
ከዓይኔ ላይ ተነሳ ቅርፊቱም ወደቀ
የሕይወቴም ብርሃን በቃልህ ደመቀ
ዛሬም አዲስ ነገም ሁሌም ነው አዲስ
ሲገለጥ እውነትህ ለልብ ለመንፈስ
እውነትም የሕይወት ቃል ነህ መድኃኒቴ
አረፈች ከአንተ ጋር ተጣብቃ ሕይወቴ
ተማርኪያለሁ በቃልህ ውበት ተስቢያለሁ
ተማርኪያለሁ ሕይወቴን ለእርሱ ሰጥቻለሁ
ተማርኪያለሁ በቃልህ ፍቅር ተይዣለሁ
ተማርኪያለሁ ቶሎ ቶሎ ፈልገዋለሁ
ምንጭ፦ ግጥሙ በ WikiMezmur ማኅበረሰብ የተገለበጠ ነው። የግጥሙ መብት የደራሲው ነው — የመብት ጥያቄ