ቅድስና
Qedesena
2011 · ትራክ 12 · አማርኛ
አዝማች · Chorus
ኧረ እንዴት (፫x) ላምልክህ
ኧረ እንዴት ልሁንልህ
ኧረ እንዴት ላስደስትህ ጌታዬ
ኧረ እንዴት ልሁንልህ
ቁጥር 1 · Verse 1
ብዘምር ባከብርህ ይሄ ያረካሃል
ወይስ ብሰብክልህ የቱ ይሻልሃል
ልወቀው አምላኬ ምን ያስደስትሃል
"ልጄ ሆይ አዳምጪ"
መዘመር መስበኩ ማሸብሸብ መዝለሉ
ምን ያደርግልኛል መሰዋት ማብዛቱ
የኔ ልብ በደስታ ሃሴት የሚያደርገው
በሁለንተናሽን ስትቀደሺ ነው
ምታደርጊው ሁሉ በፊቴ ሞገስ የሚያገኘው
ዐይኖቼ ሁልጊዜ ሚመለከቱት
መንፈሱ ወደተሰበረው ትሁት
በቃሌ ወደሚንቀጠቀጥ ሰዉ
በሚፈራኝ እደሰታለሁ
አዝማች · Chorus
ታዲያ ይሄ ካስደሰተህ
ታዲያ ይሄ ካረካህ
ልቀደስልህ ጌታዬ ልቀደስልህ
ልቀደስልህ አምላኬ ልቀደስልህ
ያለ ቅድስና እግዚአብሔርን ማየት አይቻልምና
ሁሌ ልቀደስ
ያለ ቅድስና እግዚአብሔርን ደስ ማሰኘት አይቻልምና
ሁሌ ልቀደስ
ቁጥር 2 · Verse 2
በሕይወቴ አክብሬ አንተን አገልግዬ
የዓለምን ምኞት ኀጢአት እምቢ ብዬ
በእኔ ደስ እንዲልህ ነውና አላማዬ
እኖርልሃለሁ በቅድስናዬ (፪x)
ምንጭ፦ ግጥሙ በ WikiMezmur ማኅበረሰብ የተገለበጠ ነው። የግጥሙ መብት የደራሲው ነው — የመብት ጥያቄ