ተይ ነፍሴ

ቁጥር 1 · Verse 1

ነፍሴ ሆይ እባክሽን ስሚ ፣ ልምከርሽ በደምብ አስተውዪ

እያቸው በምድር የሚሮጡ ፣ ለሚጠፋው አክሊል ሲተጉ

እርግጥ ነው ክርስትና ያማል ፣ ከኖሩ ዋጋ ያስከፍላል

ከታገልሽ ሁሉም ነገር ያልፋል ፣ ጠብቂ ኢየሱስ ይመጣል

ቁጥር 2 · Verse 2

እረኛ እንደሌለሽ አትሁኚ ፣ እንደማንም መንገድ ላይ አትቅሪ

ስጋሽን ጉሽም አድርገሽ ይዘሽ ፣ ወደ ርስትሽ ግቢ ጨክነሽ

ችግሩን መከራውን መቅመስ ፣ ግድ ነው ብድረ በዳን ማለፍ

በሜዳው በትዕግስት እሩጪ ፣ አቃተኝ ብለሽ አታቋርጬ

ቁጥር 3 · Verse 3

ዮሴፍን ወንድሞቹ የጠሉት ፣ ለአውሬ ጉድጓድ ውስጥ የጣሉት

ያ ሁሉ ግፍ የደረሰበት ፣ የእግዚአብሔር ሃሳብ ስላለበት

እንዲህ ያለው ምስክር እያለሽ ፣ ተይ ነፍሴ ለምን ትደክሚያለሽ

ፈተና ለጊዜው ያሳዝናል ፣ ኋላ ላይ መልካም ፍሬ ያፈራል

ቁጥር 4 · Verse 4

እግዚአብሔር የሰጠሽን ተስፋ ፣ ሚያስጥሉ ብዙ ናቸውና

አንቺ ግን ታላቅ ዋጋ እንዳለሽ ፣ አትዘንጊ ምድራዊውን አይተሽ

የእምነትሽን ጀማሪ ፈጻሜ ፣ ምሳሌሽን ኢየሱስን እዬ

ጨርሰሽ የጀመርሺውን ፣ ተቀበይ ሽልማትሽን