ተመስገን
Temesgen
2006 · ትራክ 6 · 5:23 · አማርኛ
አዝማች · Chorus
ተመሥገን (፲x)
ቁጥር 1 · Verse 1
ከአብ ዘንድ ያለኸኝ ለእኔ ጠበቃዬ
በፍቅር የምታየኝ ወዳጅ አፍቃሪዬ
ፈልጌ የማላጣህ የምትቆም ከጐኔ
አንተ ነህ ኢየሱስ ድጋፍ መከታዬ (፪x)
ልዩ ወዳጄ ነህ ቋሚ ተጠሪዬ
ለሚደርስብኝም ነህ ተቆርቋሪዬ
ከእኔ የማትለይ የማትጠፋ ከጐኔ
አንተ ነህ ኢየሱስ ተሟጋች ለነፍሴ (፪x)
አዝማች · Chorus
ተመሥገን (፲x)
ቁጥር 2 · Verse 2
ከገመትኩት በላይ ፍቅሩ ለእኔ በዛ
ፍፁም አይገመት እንዲህ እንደ ዋዛ
ግርዶሼን ቀደደው ልጁን አድርጐ ቤዛ
እግዚአብሔር ወደደኝ በፍቅሩ እኔን ገዛ (፪x)
ፍቅሩ እጅግ ግሩም ነው ከሁሉም የሚስብ
ያየ የሰማውን እጅግ የሚያስደንቅ
በከበረው ዙፋን ነፍሴን አኖረልኝ
ሁሉንም ድል አድርጐ ድል አወጀልኝ (፪x)
አዝማች · Chorus
ተመሥገን (፲x)
ቁጥር 3 · Verse 3
መላእክት ተደፍተው ለሚሰግዱልህ
ቅዱስ ቅዱስ ብለው ለሚያዜሙልህ
እኔም ተነስቼ ቅዱስ ነህ እላለሁ
ከእግርህ ሥር ወድቄ ክብርን እሰጣለሁ (፪x)
በዕልልታ ሽብሸባ ቤትህ እገባለሁ
ሁሌም አምላኬ ነህ እገዛልሃለሁ
ለአንተ የሚሳንህ አላየሁምና
ዛሬም እልሃለሁ ይብዛልህ ምሥጋና
ዛሬም ነገም ለአንተ ይብዛልህ ምሥጋና (፪x)
አዝማች · Chorus
ተመሥገን (፲x)
ምንጭ፦ ግጥሙ በ WikiMezmur ማኅበረሰብ የተገለበጠ ነው። የግጥሙ መብት የደራሲው ነው — የመብት ጥያቄ