ደጋግሜ
Degagme
2026 · ትራክ 2 · 5:48 · አማርኛ
ቁጥር 1 · Verse 1
ለወደድከኝ ከሀጥያቴም በደምህ ላጠብከኝ
ለአባትና ለአምላክህ ካህን እንድሆን ላረከኝ
ላንተ ክብር ይሁን
ከእግዚአብሄር ርቄ በሀጥያት
አቅም ሳጣ የምላቀቅበት
ኢየሱስ በአንተ ቤዛነት ሆኖልኝ
ከዘለአለም ሞት አመለጥኩኝ
በፈሰሰው ደምህ አጥበኸኛልና
አንጽተህ ቀድሰህ ቀርቤያለሁና
ክበር እላለሁ እንደገና
ፊትህ እሆናለው ለምስጋና
አዝማች · Chorus
ክበር እላለሁ ደጋግሜ
በምህረትህ ተገርሜ
በአንተ ይቅርታ ተገርሜ
ቁጥር 2 · Verse 2
በጨለማ የምመላለስ ሳለሁ1
ወደብርሀን መጠራት አገኘሁ
ለህይወቴ ደርሰህ በማዳንህ
በርቶልኛል የእውነት መንገድህ
ከቅዱሳን ጋራ ቆጥረኸኛልና
ህያው ተስፋን በአንተ አጊንቻለሁና
አዝማች · Chorus
ክበር እላለሁ እንደገና
ፊትህ ቆማለሁ ለምስጋና
ክበር እላለሁ ደጋግሜ
በምህረትህ ተገርሜ
ምንጭ፦ ግጥሙ በ WikiMezmur ማኅበረሰብ የተገለበጠ ነው። የግጥሙ መብት የደራሲው ነው — የመብት ጥያቄ