ስላልፈቀድክልኝ አመሰግናለሁ
Slalfekedkilign Ameseginalehu
2026 · ትራክ 7 · 4:44 · አማርኛ
ቁጥር 1 · Verse 1
ለእኔ የምታስበው እግዚአብሄር መልካም ነው
ለክፉ እንዳትተወኝ ይህን አውቂያለሁ
ከእኔ ሀሳብ ይልቅ የአንተን እያፀናህ
ዛሬ የምደርስበት መንገዴን አቀናህ
ስለሆነ አንተ ያልከው
እጅግ ብዙ አትርፊያለሁ
አቆየኸኝ በጥበቃህ
አዘለቅኸኝ በምህረትህ
የለመንኳቸውን ሁሉ አልሰጠኸኝም
ለገዛ ፈቃዴ ፈጽሞ አልተውከኝም
መጥቶ የሚረባኝን ብቻ እያደረግህ
ከፊትህ አልጠፋሁም ብዙ ነው ማዳንህ
አዝማች · Chorus
መከልከል በጊዜው ደስ ባያሰኝም
በጉዳት ከሚፈስ እንባ ግን አይበልጥም
ለበጎ ሆኖልኛል ዛሬ ላይ ሳስበው
ስላልፈቀድክልኝ አመሰግናለሁ
ቁጥር 2 · Verse 2
በሰው አይን ሲታይ እድል ከሚመስል
በአጅ የገባ እለት ግን ብዙ ከሚያጎድል
ረብ ከሌለው ነገር በመንገዴ ቆመህ
ከስንቱ ያስመለጥከኝ አምላኬ አንተ ነህ
አዝማች · Chorus
መከልከል በጊዜው ደስ ባያሰኝም
በጉዳት ከሚፈስ እንባ ግን አይበልጥም
ለበጎ ሆኖልኛል ዛሬ ላይ ሳስበው
ስላልፈቀድክልኝ አመሰግናለሁ
ምንጭ፦ ግጥሙ በ WikiMezmur ማኅበረሰብ የተገለበጠ ነው። የግጥሙ መብት የደራሲው ነው — የመብት ጥያቄ