ከፀሐዩ በላይ
Ketsehayu Belay
አማርኛ
ቁጥር 1 · Verse 1
ከፀሐዩ በታች በሚታየው ዓለም
ሁሉ እንደወትሮው ነው አዲስ ነገር የለም
ድግግም ነው አዙሪቱ
ዞሮ ይመጣል የትናንቱ
አዝማች · Chorus
ከፀሐዩ በላይ አለ አዲስ ነገር
ያለና የነበረው የሚኖረው ትልቁ እግዚአብሔር
አሁንም ቅድምም ዛሬም ትናንትና
በማያረጅ ክብር በማይከስም ዝና
ደምቆ ይኖራል ጌታ ለዘለዓለም
በሰማይ በምድር የሚመስለው የለም
ቁጥር 2 · Verse 2
ቅዱስ ቅዱስ ቅዱስ የሠራዊት አምላክ
በሰማይ የሚኖር ከፍ ያለ ያለ ልክ
ከፀሐይ ሰባት እጅ የሚያበራ ደምቆ
ገናና ነው እርሱ አይጨረስ ታውቆ
አዝማች · Chorus
በሰማይ ከፍ ያለ
ኃያል አምላክ አለ
የማይቀየር ለአፍታ ከቶ
ለዘላለም ሚኖር ጸንቶ
ምንጭ፦ ግጥሙ በ WikiMezmur ማኅበረሰብ የተገለበጠ ነው። የግጥሙ መብት የደራሲው ነው — የመብት ጥያቄ