ምርጫዬ ልክ ነው
Mirchaye Lik New
አማርኛ
ቁጥር 1 · Verse 1
አጣሁኝ ብዬ ከቶ አይቆጨኝም
ከዓለም የሆነውን ፈጽሞ አልመኝም
የቀረብኝ ሁሉ እንኳን ቀረ ያኔ
በጌታ በኢየሱስ ተውቧል ዘመኔ
ምን ቀረብኝ ምን ጎደለብኝ
የዚህን ዓለም ነገር ስለተውኩኝ
የቀረብኝ ሞት ነው የዘላለም ቁጣ
ወትሮስ ምን ሊኖረው ኢየሱስን ያጣ
አተረፈ እንጂ በነፍስም በሥጋው
ኢየሱስ ክርስቶስ የሆነለት ዋጋው
አዝማች · Chorus
ከንቱ ነው የምድር ንዋይ
የከበረውን አሻቅቦ ለሚያይ
ምርጫዬ ልክ ነው በእርግጥ ያዋጣል
ከዓለም ሀብት ክብር ኢየሱስ ይበልጣል
ቁጥር 2 · Verse 2
እውነቱ ለገባው ለበራለት ሐቁ
የተወደድክ ነህ የምትልቅ ከዕንቁ
የሙጥኝ ልበልህ እኔም በአንተ ልጽና
ከምንም የምትበልጥ በረከት ነህና
እንደሚርቅ እንዲሁ ሰማይ ከምድር
ኢየሱስን ማወቅ ነው ታላቅ ምስጢር
ብርሃን ከጨለማ አንድ እንዳልሆነ
ልዩ ነው አድራሻው በኢየሱስ ያመነ
አዝማች · Chorus
ከንቱ ነው የምድር ንዋይ
የከበረውን አሻቅቦ ለሚያይ
ምርጫዬ ልክ ነው በእርግጥ ያዋጣል
ከዓለም ሀብት ክብር ኢየሱስ ይበልጣል
ቁጥር 3 · Verse 3
ሞት አለፈኝ
ውርደት አለፈኝ
ችግር አለፈኝ
ጌታ ስላለኝ
ምንጭ፦ ግጥሙ በ WikiMezmur ማኅበረሰብ የተገለበጠ ነው። የግጥሙ መብት የደራሲው ነው — የመብት ጥያቄ