ብልህ ሰው ነፍሱን ያድናል
Beleh Sew Nefsun Yadenal
1980 · ትራክ 4 · 2:41 · አማርኛ
አዝማች · Chorus
ጌታ ሆይ ከሞት ሕይወት ይመረጣል
ብልህ ሰው ነፍሱን ያድናል
ቁጥር 1 · Verse 1
በስምህ ትዕዛዝ ስር ያድራል
በልቡ አንተን ፈላጊ
ስምህን ጠሪ ይባረካል
በኑሮ የሚያስቀድምህ
የደስታን ካባን ይደርባል
ከእርኩሰት ታርቀዋለህ
በልቡ ዙፋን ላይ ነግሰህ
ሰላምን በውስጡ አኑሮ
ይጓዛል ደስታን ጨምሮ
አዝማች · Chorus
ጌታ ሆይ ከሞት ሕይወት ይመረጣል
ብልህ ሰው ነፍሱን ያድናል
ቁጥር 2 · Verse 2
በስምህ ትዕዛዝ ስር ያድራል
ከኋለኛው ሃዘን ይልቅ
የአሁኑን ጉስቁልና መርጦ
ጊዜያዊውን ተድላ ንቆ
ነፍሱን ከሥጋው ያየ አብልጦ
ብልህ ነው ጠቢብ አዋቂ
የሰማይ ሃገር ዘላቂ
ዘለዓለም እረፍትን አይቷል
ለተስፋው ምድር ተመርጧል
አዝማች · Chorus
ጌታ ሆይ ከሞት ሕይወት ይመረጣል
ብልህ ሰው ነፍሱን ያድናል
ቁጥር 3 · Verse 3
በስምህ ታዛ ስር ያድራል
በለመለመ መስክ አድሮ
የጠራ ምንጭ ውኃ ጠጥቶ
በአምላኩ እንክብካቤ አድርጐ
መጓዙን የሰው ልጅ አጥላልቶ
ከስታለች ተርባ ነፍሱ
ታውኳል ሥጋ መንፈሱ
ይመለስ ሚወድ ይመለስ
ሳይወድቅ ጉልበቱ ሳይፈር
አዝማች · Chorus
ጌታ ሆይ ከሞት ሕይወት ይመረጣል
ብልህ ሰው ነፍሱን ያድናል
ቁጥር 4 · Verse 4
በስምህ ታዛ ስር ያድራል (፬x)
ምንጭ፦ ግጥሙ በ WikiMezmur ማኅበረሰብ የተገለበጠ ነው። የግጥሙ መብት የደራሲው ነው — የመብት ጥያቄ