ጉልበቴ ሆይ
Gulbete Hoy
ትራክ 14 · 5:29 · አማርኛ
ቁጥር 1 · Verse 1
የወደቀ ዳግም አይነሳም ወይ
የሳተስ ከፊቱ ደግሞ አይቆምም ወይ
አይኑ እንዳየ አይበይን ጆሮው እንደ ሰማ
የምስኪኑን ጩኸት አይቶ አያልፍ እሱማ
መስቀል ተሸክሞ መከተል ሲያቅተኝ
በጠባቡ መንገድ መጓዝ ሲሳነኝ
ነፍሴ እጅጉን ዝላ ተስፋዬ ተሟጦ
በትዕዛዛትህ ለመሄድ ውስጤ አቅም አጥቶ
የላሉ እግሮቼን ጉልበቴን አፀናህ
ዳግም እንደንስር ሃይሌን አደስክና
አዝማች · Chorus
ጉልበቴ ሆይ ክበር ክበር
አቅሜ ሆይ ክበር ክበር
ዛሬም ረድተኸኛል እግዚአብሔር
ዛሬም አግዘኸኛል እግዚአብሔር
አቅሜ ሆንክልኝ እግዚአብሔር
ጉልበቴን አፀናህ እግዚአብሔር
ቁጥር 2 · Verse 2
ከበአል ነቢያት እንዳልተወራረደ
በኤልዛቤል ዛቻ ልቡ ወዲያው ራደ
ጥለኸው አላለፍክ ብርቱ ሰው ፍለጋ
የቀደመው ስራው ቅናቱ እንደሌለው ዋጋ
የፍቅር እንጎቻህን ዳግም ብላ አልከው
እረጅሙን ጉዞ በድል ወደህ ልታስጨርሰው
ለደካማው ሃይልን ይሰጣልና
ለወደቀ እጁን ዘርግቷልና
ዘወትር ሊረዳን እርሱ ታምኗልና
ይክበር ዘላለም ይብዛለት ምስጋና
አዝማች · Chorus
ዛሬም ይረዳናል እግዚአብሔር
ዛሬም ያግዘናል እግዚአብሔር
አቅማችን ሆኗል እግዚአብሔር
ጉልበታችን ፀንቷል በእግዚአብሔር
ምንጭ፦ ግጥሙ በ WikiMezmur ማኅበረሰብ የተገለበጠ ነው። የግጥሙ መብት የደራሲው ነው — የመብት ጥያቄ