የማይለወጥ

ቁጥር 1 · Verse 1

ዕድልን ሰጥተኸኝ ብኖር ብዙ ዘመን፣

በዕድሜዬ ማምሻ ኑሮዬ ሲመዘን፣

አንገት ‘ምደፋበት በሐፍረት የማስበው፣

ቀናት ዓመት አይኑር ታሪኬን ‘ሚያጎድፈው፤

መሻቴ በክብር ማብቃት ሩጫዬን፣

ታማኝ ባሪያ መባል፣ ከእጅህም አክሊሌን

ቁጥር 2 · Verse 2

ያልተመሠረተ ጸንቶ በዐለቱ፣

ንፋስ ጎርፍ ሲመጣ አሃሃ ታላቅ ነው ውድቀቱ

እስከ መኸር ቢዘልቅ እንክርዳድ ከስንዴው፣

አይገባ ጎተራ፣ አሃሃ በእሳት መደምደሚያው

ቁጥር 3 · Verse 3

ድንገት ሄጄ ሄጄ ልቤ እንዳይከዳኝ፣

በሰው የጠላሁት በቤቴ እንዳይገኝ፣

የፈራሁት ያንን ሆኜው እንዳልገኝ፤

ቁጥር 4 · Verse 4

ነፍሴ ስትዝል፣ ስትደክምብኝ፣

የኀጢአትን ጽዋ እንዳትጠጣብኝ፣

እስከ ሞት ታግሦ በአብ ቀኝ ያለውን፣

አስታውሳታለሁ የእምነቴን ራስ ፈጻሚው ኢየሱስን

ባክኖ እንደማይቀር ተጋድሎዬ መና፣

የአባቶች ምስክር ሆኖ እንደ ደመና፣

ያጽናናታል ነፍሴን የድል ታሪካቸው፣

በተስፋ የታገሡ ከእጁ ነው ዋጋቸው